Roja Şemî 21`ê Reşemê, 5 welatiyên Kurd ên bi navên “Enver Şêxe”, “Rehîm Elîzade”, “Mihemed Qadirpûr”, “Rehman Qadirî” û “Nasir Bayezîdî” xelkê bajarê Pîranşehrê, bi danîna barimteyê ji girtîgeha bajarê Nexedeyê hatine azadkirin.
Êvareya roja Yekşemî 22`ê Reşemê, kolberekî Kurd ê bi navê “Ebûbekir Muradî” xelkê gundê “Mîrava” yê girêdayê bajarê Selasa Bawecanî, bi sedema berbûn ji bilindahiyan ve birîndar bû.
Sibêdeha îro Duşemî 23`ê Reşeme, berpirsên girtîgeha li ser rêya gola bajarê Urmiyê cezayê îdamkirina girtiyekê li girtîgeha wî bajarî cî bi cî kirin.
Girtiyek siyasiyê Kurd ê bi navê “Fîrûz Mûsalû” xelkê devera “Kotol” a ser bi bajarê Xoyê, ji aliyê taya 2 a dadgeha Şoreşa bajarê Urmiyê bi îdamê hate cezadan.
Roja Şemî 21`ê Reşemê, çalakvaneka jinan a xelkê bajarê Sineyê, rûniştiyê bajarê Yezdê û bi jê standina soz ji girtîgehek ewlehî ya bajarê Yezdê hate azadkirin.
Îro Şemî 21`ê Reşemê, girtiyekî siyasiyê Kurd ê bi navê “Mihemed Muradî” xelkê gundê “Qebrahisên” ê girêdayê bajarê Pîranşehrê, bi danîna barimteya 8 milyard Tumenî hate azadkirin.
Roja Şemî 21`ê Reşemê, welatiyek temen 42 salî bi sedema teqîna mînê li bajarê Mêhranê bi awayek dijwar birîndar bû û destê xwe yê rastê ji dest da.
Roja Şemî 21`ê Reşemê li bajarê Newsûdê, şûşeyên nêzî 100 maşînên kolberan ji aliyê kesên nenaskirî ve hatine şikandin.
Di heyama çend rojên derbasbûyî de, girtiyê siyasiyê Kurd ê bi navê “Tahir Sofî” xelkê gundê “Gergûla xwarê” yê ser bi bajarê Pîranşehrê, bi awayek mercdar ji girtîgeha bajarê Nexedeyê hate azadkirin.
Roja Çarşemî 18`ê Reşemê, welatiyekî Kurd ê bi navê “Riza Ebdî” kurê Ebdullah û xelkê bajarê Kamêranê bi sedema teqeya hêzên leşkerî yên hikûmetê li nêzîk bajarê Kengawerê girêdayê parêzgeha Kirmaşanê birîndar bû.
Ajansa Nûçegihandinê ya Kurdpa
