Êvariya roja Duşemî 16`ê Gelawêjê, kolberê bi navê “Hesen Forqanî” xelkê gundê “Alot” a ser bi Banê, li sînorê “Çoman” a bajarê Banê, ji aliyê hêzên sînorî yên Îraqê ve hat birîndarkirin.
Çend rojan berî niha welatiyekî Kurd ê bi navê “Yûsif Bekirî”, 38 salî û xelkê taxa “Pişt Tep”ya bajarê Mihabadê, piştî bi dawîhatina qonaxên lêpirsînê, ji girtîgeheke bajarê Urmiyê bo girtîgeha bajarê Mihabadê hate veguhastin.
Şeva Yekşemî 15ê Gelawêjê, aliyê kêm 7 kolber li encama teqeya hêzên leşkerî ya hikûmetê li sînorê Newsûdê, hatine birîndrakirin
Qedera welatiyekî xelkê bajarê “Şino” yê bi navê “Aram Şeiban” piştî derbasbûna 28 rojan ji binçavkirina wî nerohn e û di vê derheqê de ti zaniyariyeke serast li ber dest nîne.
Roja Şemî 14ê Gelawêja 1402 a Rojî, kolberekî Kurd ê bi navê “Resûl Gageşî” yê xelkê bajarê Serdeştê li rêya hatina nav bajarê Banê li encama lêketina maşîna kasibkarekî ku hêzên leşkerî li pey kevtibûn, canê xwe ji dest da.
Welatiyekî Kurd ê bi navê “Seyîd Ehmed Talane” yê temen 28 salî û kurê “Seyîd Rehîm” ê xelkê bajarê Mihabadê, hê jî qedera wî nerohn e û di girtîgeha vî bajarî de maye.
Roja Yekşemî 15ê Gelawêja 1402 a Rojî, welatiyekî xelkê gundê “Nê” yê ser bi bajarê Merîwanê yê bi navê “Arman Nîkpey”, bi danîna barimteya 500 milyon Tumenî û bi awayê demkî, ji girtîgeha vî bajarî hate azadkirin.
Êvariya roja Pêncşemî 12`ê Gelawêjê, kolberek bi navê “Hoşyar Emînî Dûsîne” kurê Mihemed xelkê gundê “Dûsîne” ya Banê, ji aliyê leşkerên dewletê ve hat gulebarankirin.
Roja Pêncşemî 12’ê Gelawêjê kolberekî bi navê “Mêhran Ehmedî” xelkê Ciwanroyê bi gulebarana leşkerên dewletê li sînorê bajarê Newsûdê birîndar bû.
Roja Sêşemî 10’ê Gelawêjê hêzên Îtla`ata Sinê li ser rêya Sine – Merîwanê teqe li otombêla çalakvanê sivîl Pûriya Ehmedî kirin û piştî rawestandina otombêlê û hevjîna wî Sehar Ehmedî û Barzin Ehmedî, kurê wan ê biçûk binçav kirin.
Ajansa Nûçegihandinê ya Kurdpa
