Roja Sêşemî 25`ê Rêbendanê, 3`ê welatiyên Kurd yên bi navên “Sîna Deşmîr temen 19 salî û kurê Kemal, Qadir Mihemedpûr temen 35 salî û kurê Ezîz û Muhsên Qadirî temen 29 salî û kurê Tahir” û xelkê gundê Gizgisik yê ser bi bajarê Pîranşarê,…
Roja Sêşemî 25`ê Rêbendanê, welatiyê Kurd yê bi navê “Ehmed Ebdulapûr” yê xelkê bajarê Pîranşarê bi danîna barimteya bi qasî 3`ê milyar Tumenî bi awayê demkî heta dema bidawîbûna dadgehê li girtîgeha Nexedê hat azadkirin.
Roja Sêşemî 25`ê Rêbendanê, “Arîn Koxayî” yê xelkê bajarê Îlamê, bi dûrîna lêvên xwe li girtîgeha wî bajarî de dest havêt bi girevê.
Roja Sêşemî 25`ê Rêbendanê, mamoste “Fetula Rostemî” pêşnmêjê Înê yê gundê Meraxan yê ser bi bajarê Serdeştê ji aliyê hêzên ewlehî ve hat binçavkirin û bo cihek nediyar veguhastin.
Roja Yekşemî 23`ê Rêbendanê, welatiyê Kurd yê bi navê “Emîr Babolî” yê xelkê gundê Lec yê ser bi bajarê Mihabadê bi danîna barimteyek giran azad bû.
Serspêdeya roja Sêşemî 25`ê Rêbendanê, cezaya îdamkirina du girtiyên bi navên “Mihemedelî Exterî Kehlan û Mîlad Cacûyî Xanik” li girtîgeha Navendî ya Urmiyê de, birê ve çû.
Roja Duşemî 24`ê Rêbendanê, “Ayet Arifîniya” xwandekarê fekulteya Maf û Birêvebrê kanal telegiramî ya “Abdanan der Gozerê Zeman” piştî ragihandina daxuyaniya “Lêborîn û kêmkirina cezayên giştî” li girtîgeha Îlamê hat azadkirin.
Roja Duşemî 24`ê Rêbendanê, “Sîwan Îbrahîmî”, mamosteyê zimanê Kurdî û endamê Heyeta Birêveberiya Encûmena Ferhengî û Çandî a “Nûjînê”, bi danîna barimteyê bi awayê demkî li girtîgeha îdareya îtla`ata Sinê azad bû.
Roja Duşemî 24`ê Rêbendanê, Soma Pûrmihemedî û Sirwe Pûrmihemedî, endamên Encûmena Ferhengî û Çandî a “Nûjînê” bi danîna barimteyê bi awayê demkî heta dema bidawîhatina dewrên dadgehê li Navenda Îslah û Terbyeta Sinê azad bûn.
“Pêjman Yasemî” yê xelkê bajarê Avdananê tevî derbasbûna nêzî 3`ê mehan li ser heyama binçavkirina wî de, heta niha jî bi bê çarenivîs di girtîgeha Îlamê de ye.
Ajansa Nûçegihandinê ya Kurdpa
