Welatiyekî Kurd bona cîbecîkirina heyamê hepsa xwe bo girtîgeha Sinê hate veguhastin
Welatiyekî kurd bi navê “Dilêr Nesrî” xelkê gundê “Tengîser” ku rûniştiyê bajarê Sinê bûye, li 1ê Çirriya Paşîn bo taya 4 ya birêvebirina cezayên dadgeha şorişa wî bajarî hate gazî kirin, û bona cîbecîkirina hukmê wî ew hatibû binçavkirin û bo girtîgehê veguhastibûn.
Ew welatiyê Kurd li 2ê meha Rezber a sala 1398an, li kargeha xwe de, ji aliyê hêzên îtila`ata Spaha Pasdaran a terorîst ve hatibû binçavkirin û bona jêpirsînê hate veguhastin bo girtîgeha îtila`at a Spaha Pasdaran a qiryargaha “Şehramfer” li bajarê, Sinê.
Hêzên ewlehî piştî binçavkirina wî welatiyê Kurd, êrîşî li ser mala wî kiribûn û piştî vekolîna mala wî, hindek ji emrazên wî yên kesîn digel xwe de biribûn.
Roja Sêşemiyê 16ê meha Rezber a sala 1398an, “Dilêr Nesrî” piştî bidawîhatina lêpirsînê, bi danîna barmiteya 250 milyon tumenî ji girtîgehê hatibû berdan.
Li dawiya sala 1398an, ew welatiyê Kurd li taya 1 a dadgeha înqilab a bajjarê Sinê, bi dadweriya dadwer “Seîdî”, bi tohmeta “endambûn li yek ji partiyên Kurdî yên dijî hikûmeta Îran”ê û bi “derbasbûna neyasayî ji sînorê Îran”ê, bo 2 sal hepsê hatibû cezadanê ku hukmê salek heps a bi tohmeta “derbasbûna neyasayî ji sînor” bo cezaya nexdî hatibû guhertinê û cezaya salek heps a bi tohmeta “endambûn li yek ji Partiyên Kurdan”, hatibû pişrastkirinê.
