Komela Mafê Mirovan a Kurdistana Îranê, -Genev, mijara binpêkirina mafê mirovan di Kurdistanê de, di saziya navneteweyî de bas kir.
Girtiyê siyasî yê Kurd yê xelkê devera Mirgewer, yê di girtîgeha navendî ya bajarê Urmiyê de, rewşa wî xirab hatiye ragehandin.
Gullereşandina rasterast ya hêzên leşkerî yên hikûmeta Îranê li ser sînorê bajarê Selmasê kuştin û birîndakirina du kolberên Kurd li pey xwe aniye.
Du hevwelatiyên Kurd xelkê bajarê Îlamê, ev zêdeyî 50 rojan e ku ji aliyê Saziya Îtila`ata Spaha Pasdaran a hikûmeta Îranê ve, hatine destbiserkirin û çarenivîsa wan ne xûya ye.
Kolberê Kurd yê xelkê bajarê Mehabadê ku bi sebeba teqîna mînê, li ser sînorê bajarê Pîranşarê, bi dijwarî birîndar bibû, û bo çareseriyên pîzişikî ev bo navenda tendirustiyê ya bajarê Tevrêzê veguhastin.
Şonwareke dîrokî ya bajarê Şinoyê a girêdayî parêzgeha Urmiyê, ji aliyê hin kesên helperest hatiye koland in.
Destinîşandkirina cihê nû bo komkirina kirs û paşmayan, li nêzîkî rûbara “Girdalan”ê, ji aliyê şaredarî û şêvra bajarê Merîwanê, nerazîbûna xelkên şeş gundên girêdayî wî bajarî li pey xwe aniye.
Kolberê Kurd yê xelkê bajarê Urmiyê, bi sebeba gollereşandina rasterast ya hêzên leşkerî yên hikûmeta Îranê, li ser sînorê wî bajarî jiyana xwe ji dest da.
Welatiyê Kurd yê xelkê bajarê Bokanê, ku bi sebeba gollereşandina rasterast ya hêzên leşkerî yên hikûmeta Îranê bi dijwarî birîndar bibû, piştî veguhastina wî bo nexweşxaneya bajarê Mehabadê, bi sedema kurbûna birînan, canê xwe ji dest da.
hêzên îtila`atê Pênc hevwelatiyên Kurd yên xelkên bajarê Merîwanê destbiserkirin û ew bo cihekî nediyar veguhast in.
Ajansa Nûçegihandinê ya Kurdpa
