Roja Înê 7`ê Xermananê, welatiyekî Kurd yê bi navê “Mehdî Îbrahîmzade” kurê “Îbrahîm”, temen 37 sal û xelkê bajarê Serdeştê, li bajarê Şîraz a ser bi parêzgeha Fars, ji aliyê hêzên ewlehî ve hate binçavkirin.
Çend roj berya niha welatiyekî Kurd yê bi navê “Hesîm Mîrzayî” xelkê bajarê Ciwanroyê, ji aliyê hêzên ewlehî ve hate binçavkirin û bo cihekî nexuya hate veguhastin.
Roja Çarşemî, 18ê Tebaxê, mamostayê Kurd yê Sunnî mezheb, Mamosta “Hesen Cengxa”, xelkê devera “Mirgewer” a girêdayê bajarê Urmiyê, ji aliyê hêzên ewlehî ve hate binçavkirin û bo cihekî nexuya hate veguhastin.
Roja Yekşemî 2`ê Xermananê, hêzên Sipaha Pasdaran teqe ji welatiyekî xelkê başûrê Kurdistanê yê bi navê “Yusif Mihemed Ebdulahreş” kirine û di encamê de ew welatiyê Kurd hate kuştin.
Di heyama çend rojên derbas bûyî de, hêzên ewlehî çar welatiyên Kurd yên bi navên “Xosro Cîhanara, Akam Hesenzade, Serdar Mela û Rehman Qadirî” xelkê bajarê Serdeştê, binçavkirine.
Roja Duşemî 3`ê Xermananê, du welatiyên Kurd yên bi navên “Ferzad Muradî û Newşîrvan Rezayî” xelkê gundê “Helîzava” a ser bi bajarê Merîwanê, ji aliyê hêzên ewlehî ve hatine binçavkirin û bo cihekî nexuya hatine veguhastin.
Biryara binçavkirina welatiyekî Kurd yê bi navê “Seîd Ehmed Sedrî” kurê “Seîd Mistefa”xelkê bajarê Pesvê a girêdayê Pîranşehrê, carekî din bo heyama 20 rojan hate dirêjkirin.
Roja Duşemî 3`ê Xermananê, kolberekî Kurd yê bi navê “Cefer Remezanî” kurê “Mihemed”, temen 50 sal û xelkê Selas a Bavecanî, li ser sînorê Newsûdê bi teqeya hêzên leşkerî yên hikûmetê hate birîndarkirin.
Roja Yekşemî 2`ê Xermananê, welatiyekî Kurd yê bi navê “Nadir Feyazîfer” kurê “Muhemed” xelkê gundê “Melaîsa” a ser bi navçeya “Deştrebêl” a girêdayê bajarê Şinoyê, bo cîbicîkirina cezaya xwe bo girtîgeha bajarê Nexedê hate veguhastin.
Roja Yekşemî 2`ê Xermananê, çalakvanekî medenî yê bi navê “Feryad Ebdî” xelkê bajarê Kamyaranê, bi danîna barimteya 200 milyon tumenî bi awayekî demkî heya dema berêveçûna dadgehiya wî hate berdanê.
Ajansa Nûçegihandinê ya Kurdpa
