Taya 1 a dadgeha şoreş a bajarê Sineyê, bi serokayetiya dadwer “Seîdî” çalakvanê medenî yê Kurd yê bi navê “Ferzad Husênî” temen 31 salî û xelkê gundê “Dêweznav”ê û rûniştiyê bajarê Kamiyaranê, bi 5 sal hepsa teilîqî û 5 meh hepsa teizîrî…
Roja Çarşemî 5ê Sermawezê, welatiyekî Kurd yê bi navê “Rehman Resûlî” kurê Rehîm temen 45 salî xelkê gundê “Bilesen” yê ser bi bajarê “Bane”yê ji aliyê hêzên ewlehî ve hate binçavkirin.
“Îshaq Rohî” çalakvanê kedkarî yê Kurd li meha Xezelwera îsal piştî bi dawîhatina heyama girtina wî ji girtîgeha navendî ya bajarê Sineyê hate azadkirin.
Çengîz Qedemxêr, girtiyê siyasî yê Kurd, xelkê bajarê “Kamiyaranê” di girtîgeha “Mescêd Silêman” ya parêzgeha Xûzistanê bo girtîgeha navendî ya “Ehwazê” hate veguhastin.
Roja Pêncşemî 6ê Sermawezê, “Aynaz Zar’i” girtiya siyasî di benda jinan a girtîgeha Urmiyê de piştî 15 mehan li binçavkirinê hate serbestkirin.
Heyama 10 roj beriya niha, jineke Kurd ya bi navê “Leyla Ferhadî” temen 38 salî û keça Kerîm, hewla şewitandina xwe dabû û piştî 10 rojan canê xwe ji dest da.
Êvara roja Çarşemî 5ê Sermawezê, kolberekî Kurd yê bi navê “Riza Yûsifî” xelkê gundê “Kurere Nisar” yê ser bi bajarê Kamiyaranê bi sedema teqeya hêzên leşkerî li ser sînorê Newsodê hate birîndarkirin.
Roja Çarşemî 5ê Sermawezê du welatiyên Kurd yên bi navê “Saman Esedhekîm û Mihemed Şefîzade” xelkê gundê “Dêweznav” yê ser bi bajarê “Sewlavayê” bi danîna barimteyê hate azadkirin.
Roja Çarşemî 5ê Sermawezê, welatiyekî Kurd yê bi navê “Îsmaeîl Elîperwerî” xelkê bajarê Bokanê bi danîna barimteya 500 mîlyon tumenî bi awayekê demkî heta dawîhatina qunaxa dadresiya wî ji girtîgeha Urmiyê hate azadkirin.
Roja Duşemî 3ê Sermawezê, “Daryûş Muradî” çalakvanê Ferhengî yê Kurd û xelkê bajarê Şabad a ser bi parêzeha Kirmaşanê, ji aliyê hêzên ewlehî ve hate binçavkirin.
Ajansa Nûçegihandinê ya Kurdpa
