Roja Şemî 25ê Rêbendanê, sê welatiyên Kurd yên bi navên “Husên Gerdişî, Şepol Xizrî û Ferhad Mûsapûr”, piştî bi dawîhatina heyama lêkolînê ji girtîgeha Îtilaata Spahê li bajarê Urmiyê, bo benda girtiyên siyasî yên girtîgeha wî bajarî hatine…
Roja Înê 24ê Rêbendanê, welatiyekî Kurd yê bi navê “Nadir Birariyan” temen 45 salî û xelkê gundê “Kelkel” ê ser bi Asimaveya Çirdawil, bi sedema teqîna yek ji mînên bi cih mayî yên şerê Îran û Îraqê, li bajarê Mêhranê canê xwe ji dest da.
Şeva Çarşemî 22`ê Rêbendanê, kolberekî Kurd yê bi navê “Aram Caten” xelkê gundê “Kanîsanan” yê ser bi bajarê Merîwanê bi sedema kevtin ji bilindahiyên “Tete”ya Hewramanê ve canê xew ji dest da.
Roja Sêşemî 21`ê Rêbendanê, sê welatiyên Kurd yên bi navên “Rehman Îbrahîmî”, “Talib Reyhanî”û “Reşîd Reyhanî”, xelkê gundê “Şawele” yê ser bi bajarê Nexede, bi danîna barimteyê ji girtîgeha wî bajarî hatin azadkirin.
Welatiyekî Kurd yê bi navê “Elî Bayezîdpûr” (Cola), kurê Mewlûd û temen 49 salî û xelkê gundê “Şînavê” yê ser bi bajarê Pîranşarê bi bê amadebûn li dadgehê, ji aliyê dadgeha Înqilab a wî bajarî ve bi 5 sal girtîgeha teizîrî hate cezakirin.
“Feranek Cemşîdî” çalakvana jîngehparêz û endama “Komeleya Sewiz a Kurdistanê” û xelka bajarê “Sinê” ji aliyê taya 1 a dadgeha Înqilab a wî bajarî bi serokatiya dadwer “Seîdî” ve bi 4 sal girtîgeha tezîrî hate cezadan.
Roja Duşemî 20`ê Rêbendanê, welatiyekî Kurd yê bi navê “Bêhzad Haşimîesil”, kurê Ehmed û xelkê gundê “Bihîk” ê ser bi bajarê Selmasê, bi sedema lipeyketin û teqeya hêzên leşkerî yên hikûmeta Îranê, canê xwe ji dest da.
Taya 2 a lêpirsiya giştî û înqilaba Mihabadê “Erestû Mela Rehîmî” çalakvanê medenî û xelkê wî bajarî bo vê navendê gazî kir.
Roja Yekşemî 19`ê Rêbendanê, welatiyekî Kurd yê bi navê “Teha Ateşefraz” yê xelkê Kunexana ser bi bajarê Pîranşarê, ji aliyê hêzên ewlehî ve hate binçavkirin.
Roja Yekşemî 19ê Rêbendanê welatiyekî Kurd yê bi navê “Emîr Bayezîdî Azer” kurê Mistefa û xelkê gundê “Lec” yê ser bi bajarê Mihabadê bi danîna barimteyê bi awayekî demkî ji girtîgeha wî bajarî hate azadkirin.
Ajansa Nûçegihandinê ya Kurdpa
