Navenda Amar a Saziya Mafê Mirovî ya “Kurdpa”yê, di raporeke amarî de, îşare bi girîngtirîn haletên binpêkirina mafê mirovî li Rojhilatê Kurdistanê li heyama 6 mehên destpêka sala 1400`an kiriye ku kurtiyek ji wê raporê bi wî awayî ye:
Welatiyekî Kurd ê bi navê “Seîd Tabnak”, xelkê bajarê Şinoyê, bo cîbicîkirina cezaya wî bo girtîgeha bajarê Nexedê hate veguhastin.
Piştî gef û topbarankirina deverên sînorî ên Rojhilatê Kurdistanê û Herêma Kurdistanê, Spaha Pasdaran cebilxaneya giran, zêdetir bo wê devera sînorî şandine.
Werzîşvanekî penaxwazê Kurd ê bi navê “Ebas Zendî” naskirî bi “Şoreş”, xelkê bajarê Sinê ku li tirkiyê penaxwaz e, karî di kêbirkêya “Kong Fo Toa”yê de li Olempiyada hunerên şer ku li welatê Tirkiyê bi rê ve çûbû, pileya 2ê bi dest bixe.
Birêveberê kanala Telegramî ya “Porsiman” “Mistefa Hemdî”, bo taya 3 a dadseraya giştî û şoreş a bajarê Seqizê hate gazîkirin.
Roja Sêşemî 30`ê Xermananê, Du welatiyên Kurd ên bi navên “Sîrwan Erxevanî”, kurê Xudakerem û “Ferzad Sadiqiyan”, kurê Hebîb, xelkê gundê “Tengîser” ê ser bi bajarê Sineyê, ji girtîgeha wî bajarî hatine azadkirin.
Sibêdeha roja Duşemî 29`ê Xermananê, du kolberên Kurd ên bi navên “Alîşan Ehmedî”, temen 15 salî û “Sozdar Ehmedî”, temen 21 salî, xelkê gundê “Koran” ê ser bi devera Soma û Biradosta bajarê Urmiyê, li encama teqeya hêzên artêşa Tirkiyê li…
Roja Duşemî 29`ê Xermananê, kolberekî Kurd ê bi navê “Burhan Yûsifî”, xelkê bajarê Selasa Bavacanî, li encama teqeya hêzên leşkerî yên hikûmetê li ser sînorê Newsûdê, hate birîndarkirin.
Roja Yekşemî 28`ê Xermananê, welatiyekî Kurd ê bi navê “Hesen Qudretî”, temen 45 salî, kurê Hacî Xizir û rûniştiyê bajarê Şinoyê, ji aliyê hêzên ewlehî ve hate binçavkirin.
Sibêdha roja Sêşemî 30`ê Xermananê, cezaya îdamkirina welatiyekî Kurd ê bi navê “Erşed Cûdet Rebet (Cûdetiyan)”, kurê Medenî û xelkê gundê “Şeşmal” ê ser bi bajarê Urmiyê, li girtîgeha Zencanê hate cîbicîkirin.
Ajansa Nûçegihandinê ya Kurdpa
