Roja Înê 14`ê Xezelwerê, mirexesiya girtiyê siyasî yê Kurd ê xelkê bajarê Bokanê “Selah Şerîfzade” piştî bi dawîhatina heyama mirexesiya xwe bo girtîgeha Xelxalê zivirî.
Berpirsê girtîgeha “Qereçek” a bajarê Veramînê bi awayekî kirêt digel girtiyên siyasî yên Kurd di wê girtîgehê de reftarê dikin û girtiyên siyasî yên Kurd bi “terorîst” binav dikin.
Roja Şemî 15 `ê Xezelwerê, “Raşid Muntezirî” girtiyê siyasiyê Kurd ê xelkê bajarê Kamiyaranê, bi awayeke mercdar ji gitîgeha wî bajarî, hate azadkirin.
Walatiya Kurd a bi navê “Fatime Kerîmî” keça Yedullah û xelkê bajarê Îlamê ji aliyê taya 1 a dadgeha şoreş a bajarê Seqizê bi serokayetiya dadwer “Cevad Mistefayî” bi awayê amade nebûyî bi yek sal girtîgeha Teizîrî hate cezadan.
Ciwanekî Kurd ê bi navê “Sîna (Kerîm) Mînayî”, temen 18 salî, kurê Mistefa xelkê gundê “Sewce” yê ser bi bajarê Şinoyê, piştî heyama binçavkirinê bo lêpirsînê bo yek ji girtîgehên ewlehî yên bajarê Urmiyê hate veguhastin.
Îdareya Îtla`ata bajarê Baneyê, berpirsên kanalên Telegramî yên wî bajarî piştî belavkirina nûçeya Kolberê xelkê gundê “Kanîsêf”ê “Mihemed Xudayî kanîsêf”, ku li encama teqeya hêzên leşkerî yên hikûmetê de hatibû kuştin, hatine gazîkirin û…
Roja Pêncşemî 13`ê Xezelwerê, welatiyekî Kurd ê bi navê “Fireydûn Baştek”, temen 24 salî, kurê Yehya û xelkê gundê “Celîle” yê ser bi bajarê Merîwanê, dawî bi jiyana xwe anî.
Roja Sêşemî 11`ê Xezelwerê, welatiyekî kurd ê bi navê “Enwer Şêxe”, temen 45 salî, kurê Ebdulla û xelkê gundê “Peswê” yê ser bi bajarê Pîranşarê, ji aliyê hêzên ewlehî ve hate binçavkirin û bo ciheke nexuya hate veguhastin.
Roja Çarşemî 12`ê Xezelwerê, welatiyekî Kurd ê bi navê “Hêmin Îbrahîmî”, xelkê gundê “Şelmaş” ê ser bi bajarê Serdeştê, di encama teqîna mînê de bi awayeke dijwar birîndar bû.
Roja Sêşemî 11`ê Xezelwerê welatiyekî Kurd ê bi navê “Yûnis Yahû” xelkê gundê “Kosekerêz”ê ser bi bajarê Mihabadê bi danîna barimteyê hate azadkirin.
Ajansa Nûçegihandinê ya Kurdpa
