Roja Pêncşemî 25`ê Sermawezê, girtiyek siyasî yê Kurd ê bi navê “Şoreş Resûlzade”, xelkê gundê “Siyader”e yê ser bi bajarê Seqizê, bi awayek mercdar ji girtîgeha wî bajarî hate azadkirin.
Roja Pêncşemî 25ê Sermawezê, welatiyek Kurd ê bi navê “Elî Zulfî” kurê “Hemze”, xelkê bajarê Bokanê, ji girtîgeha wî bajarî hate azadkirin.
Roja Pêncşemî 25ê Sermawezê, sê welatiyên Kurd ên bi navên, “Mihemed Ehmedî, Îdrîs Behramiyan û Ferîd Direxşanê” ên xelkê gundê “Nê”yê ser bi bajarê Merîwanê, bi danîna barimteyê ji girtîgeha wî bajarî hatine berdan.
Roja Sêşemî 23`ê Sermawezê, welatiyekî Kurd ê bi navê “Zana Kesrayî” temen 28 salî kurê Hîwa û xelkê gundê “Nê”yê ser bi bajarê Merîwanê bo cîbicîkirina cezaya wî bo girtîgeha wî bajarî hate veguhastin.
Roja Sêşemî 23`ê Sermawezê, çalakvanek medenî yê bi navê “Eyûb Cewanpûr” bo îdareya Îtila`ata bajarê Seqizê hate gazîkirin û lêpirsîn digel navbirî hate kirin.
Qedera çalakvanek ê bi navê “Nevîd Kohnepûşî” xelkê bajarê Merîwanê ku li 9`ê Xezelwerz îsal ji aliyê hêzên ewlehî ve hatibû binçavkirin, ne rohn e û ti zaniyariyek serast li ser tinîne.
Girtiyek ê bi navê “Rûhullah Melekî” temen 30 salî kurê “Elîebas” xelkê bajarê “Mêhran”ê di girtîgeha bajarê îlamê de bi sedema xemsariya perpirsên girtîgehê û xirabiya rewşa tendirustiyê, canê xwe ji dest da.
Roja Şemî 20`ê Sermawezê, ciwanek bi navê “Xalid Milkame” kurê “Mihemed”, temen 23 salî û xelkê “Sayînqela” yê ser bi parêzgeha Urmiyê dawî bi jiyana xwe anî.
Roja Şemî 20`ê Sermawezê, du welatiyên Kurd ên bi navên “Zahid Direxşanî” û “Burhan Direxşanî” xelkê gundê “Nê” yê ser bi bajarê Merîwanê bo îdareya Îtila`ata wî bajarî hatine gazîkirin û lêpirsîn digel wan hate kirin.
Roja Şemî 20`ê Sermawezê, girtiyê siyasî yê Kurd “Keyhan Mukerem” xelkê gundê “Enbê” yê ser bi devera Tirgewer, li girtîgeha navendî ya bajarê Urmiyê bo nîşandana nerizayetiya xwe li hember berçavnegirtina gelaleya du fewriyetî bo kêmkirina…
Ajansa Nûçegihandinê ya Kurdpa
