Sibêdeha roja Şemî 10`ê Banemerê, kolberek bi navê “Sefer Subhanî” kurê Heyder, xelkê gundê “Dûrîsan” yê girêdayê bajarê Paweyê, bi sedema teqeya hêzên Întizamî yên hikûmetê canê xwe ji dest da.
Êwara roja Pêncşemî 8ê Banemerê, li sînorê Newsûdê du kolberên Kurd ên bi navên “Umîd Yûnisî û Muxtar Şamuradî” xelkê bajarê Selasa Bawecanî, di encama teqeya hêzên leşkerî yên hilûmetê bi gulleyên ciftê hatine birîndarkirin.
Roja Çarşemî 7`ê Banemerê, “Qulamreza Şerîfî” mamosteyê malnişînkirî û ji çalakvanên ferhengî yên bajarê Sineyê, bo “stada xeberî” ya îdareya Îtila`ata wî bajarî hate banghêjkirin û lêpirsîn digel navbirî hate kirin.
Roja Çarşemî 7`ê Banemerê, ciwanekî temen 18 salî yê bi navê “Hebîb Hatemî Sînavayî” kurê Celal û xelkê gundê “Koran” ê ser bi devera Soma girêdayê bajarê Urmiyê, bi sedema teqîna mînê bi awayek dijwar birîndar bû.
Di heyama çend rojên derbasbûyî de, kolberekî Kurd ê bi navê “Mesûd Mehmûdî” temen 32 salî kurê Se`îd û xelkê gundê “Sîver” ê girêdayê bajarê Merîwanê bi sedema teqeya hêzên leşkerî yên hikûmetê li ser sînorê Newsûdê hate birîndarkirin.
Di berdewamiya binçavkirina çalakvanên kedkar li bajarê Baneyê, roja Sêşemî 6`ê Banemerê du çalakvanên din ên kedkarî yên bi navên “Efşîn Rehîmî û Fatih Mecîdî” ji aliyê hêzên ewlehî ve hatine binçavkirin.
Roja Sêşemî 6`ê Banemerê, welatiyekî Kurd ê bi navê “Kemal Bayezîdîpûr” kurê Xalid û xelkê gundê “Diribke” yê girêdayê bajarê Pîranşehrê, bi sedema teqeya hêzên Întizamî li rêya Pîranşehr-Mihabad hate birîndarkirin.
Êvareya roja Sêşemî 6`ê Banemerê, du welatiyên Kurd ên bi navên “Usman Weysî” temen 32 salî kurê Xuwakerem û xelkê gundê “Gulçêr” û “Keyvan” naskirî bi “Keyvan Kelewênceyî” xelkê bajarê Merîwanê, bi sedema teqeya hêzên Spahê hatine…
Roja Sêşemî 6`ê Banemerê, 5 çalakvanên Kurd ên bi navên “Hesen Êzzetî, Niştîman Rehmetî, Se`îd Mihemedî, Pervîn Ebdullahpûr û Umer Silêmanî” xelkên bajarê Baneyê, ji aliyê hêzên ewlehî ve hatine binçavkirin.
Biryara binçavkirina demkî ya wanebêjê zimanê Kurdî yê bi navê “Kiyûmers Letîfî”, ku di girtîgeha îdareya Îtila`ata bajarê Sineyê de ye, bo heyama du heftiyan hate dirêjkirin.
Ajansa Nûçegihandinê ya Kurdpa
