Di doma zext û givaşên hikûmeta Tirkiyê bo ser çalakên siyasî û sivîl ên Kurd li Tirkiyê, hêzên vî welatî li 16 bajarên Tirkiyê de aliyê kêm 70 kesên din ji çalakên siyasî û parêzerên Kurd destbiser kirin.
Li rojên derbazbûyî de yekemîn karwana alîkariyên xelkê bajarê Urmiuê bo lêqewmiyên erdheja Wanê, gihîşte vî bajarî.
Li gor rapra Saziya piştevanîkirin ji mafê jinan li Herêma Kurdistanê de, li salên borî de heta niha, xwekujiya jinan li Herêma Kurdistanê de jorde çûye bi awayekê ku di 3 salên derbazbûyê de 1012 kesan xwe şewitandine.
Berpirsê giştî yê pijişa yasayî li bajarê Luristanê, Peyman Astirkî ragihand li 6 mehên derbazbûyî de heta niha 19 kes bi sedema bûyerên karî canê xwe ji dest dane ku hemû mêr in.
Di çend rojên derbazbûyî de hêzên ewlekarî ên Sipaha Pasdaran a binkeya Heze Seyêd El-Şuheda bi şev êrîş kirin ser gundên derdora bajarê Urmiyê û dest bi azar û îşkenceya akinciyên gundê kirin rişwe ji wan wergirtin.
Cemiyeta Hîlala Sor a Kurdistanê bi armanca komkirina alîkariyan ji bo lêqewmiyên erdheja bajarê Wanê, hinek bikne û xêwet li bajarên Kurdistanê de damezirianiye.
Dadwerê Taya Şeş a Dadgeha Bilind ya Welat li Îranê biryara îdamkirina zarokek jêr temen 18 saliyê bi navê Şayan Omîdî xelkê bajarê Gîlanê pesend kir.
Welatiyek Kurd bi navê Wahîd Dûstî, akinciyê devera Jaweru ya Sine ku heyamê heftiyek dibe hatiye destbiserkirin, heta niha jî di çarenivîsek ne diyar de ye.
Wezîrê Karûbarên Derve yê Tirkiyê derbarê Sûriyê û welatên din ên Rojhilata Navîn re got ew hikûmetên ku hez û daxwazên xelkê dabîn dikin bê şik li ser hikim namînin.
Xwendekarên Kurd û Azerî ên zanîngeha Peyamê Nûr ya bajarê Makoyê daxwaz ji berpirsên Hikûmeta Îslamî Ya Îranê kirin ku girîngî bidan bi zimanê dayîkî yên wan.
Ajansa Nûçegihandinê ya Kurdpa
