Raporta vê hefteyê a Kezî , 6 haletên binpêkirina mafên jinan li bajarên rojhilatê Kurdistanê (bi teybetî), her wiha 3 haletên pêpeskirina mafên jinan li welatê Îranê (bi giştî) bi xwe digre.
Piştî vê yekî ku eşkere bû Saman Nesîm zindaniyê siyasî yê Kurd (bi derbasbûna 145 rojan ji çarenivîseke nezelal), hevdîtin bi malbata xwe re pêk aniye, rêxistina Efûya Navdewletî li ser rewşa wî daxuyaniyek belav kir.
Hêzên ewlekarî yên Îranê bi binçavkirina çend mamosteyan, hember meşa wan a nerazîbûnê astengî derxistin.
Ehmend Şehîd bi derxistina daxuyaniyekî, ji karbidestên hikûmeta Îranê û civakên navdewletî xwest ku rewşa mafên mirovan li Îranê berçav bigrin.
10 rêxistinên mafên mirovan, bi derxistina daxuyaniyekî ragihandin ku piştî derbasbûan du dehikan bi ser îmzekirina Îranê ya peyman-nameya mafên zarokan re, berpirsên wî welatî berdewam wî mafî binpê dikin.
Navendên têkildarî hikûmeta Îranê li Sineya rojhilatê kurdistanê, rê nadin cenazeyê welatiyeke behayî, li guristana Cawîd a wî bajarî bê definkirin.
Ew demeke li Sineya rojhilatê Kurdistanê bi şandina nameyên kurt ji aliyê navendên ewlekarî yên wî bajarê ve, gef ji malbatên çalakvanên siyasî tên kirin.
Di xala sînorî ya di navbera Îran û welatê Tirkiyê de, leşkerên Îranê bi awayekî rasterast gule bi ser kasibkaran de reşandin û di encamê de du kolber qetil kirin.
Teqîna mayîneke çandî a (şerê 8 sale yê Îran û Îraqê) li Seqiza rojhilatê Kurdistanê, hemwelatiyeka Kurd a wî bajarî nivîşkan kir. Lingekî wê jina bi temen hat jêkirin.
Hêzên leşkerî ên ser bi hikûmeta îslamî ya Îranê, bi hinceta bazerganiya neyasayî a ser sînor, agir bi ser kolberan de dibarînin û wan qetil dikin. Kasibkarekî din li pîranşara rojhilatê Kurdistanê hat kuştin.
Ajansa Nûçegihandinê ya Kurdpa
