Civaka Mafê Mirovan ya Kurdistana Îranê- “Geneva”, di 39`mîn, civîna Şêvra Mafê Mirovan ya Saziya NY de, êrîşa mûşekî ya Spaha Pasdaran ya bo ser binke û baregehên PDKÎ, şermezar kir.
Piştî gireva seranserî ya xelkê Kurdistanê, îdareya îtila`ata Hikûmeta Îranê, hejimarek ji hevwelatiyên Kurd gazî û destbiser kirine.
Kasibkarekî xelkê bajarê Bane, bi gullereşandina rasterast ya hêzên leşkerî li bajarê Bane canê xwe ji dest da.
Bi destpêkirina girevgirtina giştî ya xelkê Kurdistanê, hêzên îtila`ata Hikûmeta Îranê dest bi girtina hevwelatiyan û çalakvanên medenî yên Kurd kiriye.
Hêzên ewlehiyê yên Hikûmeta Îranê du çalakvanê Kedkariyê yên li bajarê Sine, destbiser kirin û ev bo cihekî nediyar veguhastine.
Hêzên Îtila`atî hevwelatiyekî Kurd ê xelkê bajarê Şinoyê destbiser kirin, û bo cihekî nediyar veguhastin.
Kolberekî Kurd ê xelkê bajarê “Serwabad”ê di dema kolberiyê de ji bilindahiya “gerdena “Te Te” berbû û bi awayekî giran birîndar bû.
Hevwelatiyekî Kurd yê xelkê bajarê “Serwabad” ê ji ber teqîna mînê bi dijwarî birîndar bû, û pê xwe ji dest da.
Berpirsê îdareya Çandî û Îrşada bajarê Pawe, di rêûresima rêzgirtin ji hûnermendê navûdeng yê Kurd yê bi navê “Usman Hewramî” de, gef ji çalakvanên Kurd yên çanda Kurd xwar.
Taya 112 a Dadgeha Giştî a bajarê Urmiyê, cezaya 36 sal hepsa te`izîrî ji bo du hevwelatiyên Kurd yên xelkê wî bajarî birî.
Ajansa Nûçegihandinê ya Kurdpa
