Roja Înê 27ê Tîrmehê, kolberekî Kurd yê bi navê “Şemzîn Ehmedî” kurê “Hakim” xelkê gundê “Koran” a ser bi devera Soma û Biradost a bajarê Urmiyê piştî 8 rojan di nexweşxaneya bajarê Van a Tirkiyê de canê xwe ji dest da.
Roja Pêncşemî 16`ê Tîrmeh, ciwanekî Kurd yê bi navê “Îbrahîm Rehmanî” kurê “Ezîz” xelkê gundê “Ebasava” a ser bi bajarê Bokanê bi danîna barimteya 100 milyon tumenî di girtîgeha wî bajarê de hate azadkirin.
Roja Çarşemî 15`ê Tîrmeh, welatiyekî Kurd yê bi navê “Murad Muradî” kurê “Xidir”, yê temen 49 sal û xelkê gundê “Xurînc” û rûniştiyê bajarê Pîranşehrê, ji aliyê hêzên ewlehî ve hate binçavkirin.
Roja Şemî 14`ê Tîrmeha 2020 an, welatiyekî Kurd yê bi navê “Seîd Kamil Ehmedî” di bajarê Sine yê û ji aliyê hêzên ewlehî ve hate binçavkirin.
Şeş welatiyên Kurd yên xelkê bajarê Mihabad ê, bi navên “Cesîm Mecnûnî, Es`ed Mihemednijad, Soran Nesîrî, Soran Muxtarîfer, Rêbwer Padest û Omîd Ebasî”, piştî binçavkirinê qedera wan nexuya ye.
Roja Sêşemî 24ê Tîrmehê, du hepsiyên siyasî yên Kurd yên bi navên “Sabir Şêx Ebdulah û Diyako Resûlzade” xelkê bajarê Mihabadê, di girtîgeha navendî a bajarê Urmiyê de hatine îdamkirin.
Roja Yekşemî 12`ê Tîrmehê, di berdevamiya binçavkirin a welatiyên Kurd di bajarê Pîranşehrê de, ciwanekî Kurd yê bi navê “Adil Şêxe” kurê “Rehîm”, temen 21 sal û xelkê “Peswê” ji aliyê hêzên ewlehî ve hate binçavkirin.
Roja Duşemî 9`ê Tîrmeh, “Osman Rehîmîfer” çalakvanê medenî û endamê grûpa çiya gerî a “Raman”, xelkê bajarê Kamyaran ê, ji aliyê hêzên ewlehê yê ve hate binçavkirin.
Êvareya roja Şemî 11`ê Tîrmehê, welatiyekî Kurd yê bi navê “Elî Zevarî” kurê “Resûl” xelkê gundê “Mêşedê” û rûniştiyê taxa “Konexan” a bajarê Pîranşehrê, ji aliyê hêzên ewlehî ve hate binçavkirin.
Roja Şemî 11`ê Tîrmehê, “Osman Rûsta” endamê şoraya çareserî a pirskirikên gundê Mîrava a bajarê Serdeştê, ji aliyê hêzên îtila`atê ve hate binçavkirin û bo cihekî nexuya hate veguhastin.
Ajansa Nûçegihandinê ya Kurdpa
