Roja Şemî 19`ê Pûşperê, welatiyekî kurd ê bi navê “Kamran Dastan” kurê Subhan û xelkê gundê “Nê” yê ser bi bajarê Merîwanê ji aliyê hêzên ewlehî ve hate binçavkirin û bo ciheke nexuya hatiye veguhastin.
Sibêdeha Roja Yekşemî 27`ê Pûşerê, cezaya îdamkirina du girtiyan ku berê bi tohmeta “kuştina bi zanebûn” bi îdamkirinê hatibûne cezakirin, li girtîgeha navendî ya bajarê Urmiyê hate cîbecîkirin.
Roja Pênşemî 24`ê Pûşperê welatiyekî Kurd ê bi navê “Mêhran Silêmanpûr”, xelkê gundê “Aliyan” ê ser bi devera “Deştebêl” a ser bi bajarê Şinoyê, bi danîna barimteyê li yek ji girtîgehên ewlehî yên bajarê Urmiyê hate azadkirin.
Roja Yekşemî 20`ê Pûşperê, li bajarê Urmiyê welatiyekî Kurd ê bi navê “Şêrzad Şoqî Qasimlo” kurê Xalîd û xelkê gundê “Mam Îbrahîm” ji aliyê hêzên ewlehî ve hate binçavkirin û bo cihekî nexuya hate veguhastin.
Roja Çarşemî 23ê Pûşperê, “Ferhad Mehemedî” Parêzerê pile yek ê dadgusteriyê, bona cîbicîkirina cezaya wî bo navenda “Îcrayê Ehkam” a dadgeha înqilb a bajarê “Sine”yê hate gazîkirin û bo girtîgeha “Sine”yê hate veguhastin.
Roja Çarşemî 23`ê Pûşperê, kolberekî Kurd ê bi navê “Mûsa Zîbapûr” xelkê bajarê Pîranşarê, bi sedema teqeya hêzên leşkerî yên hikûmeta Îranê, li ser sînorê “Maşkan” ê wî bajarî hate birîndarkirin.
Roja Çarşemî 23`ê Pûşperê, “Ferhad Mihemedî”, Parêzerê paye yek ê dadgusteriyê bo cîbicîkirina cezayê bo birêvebirina hikmê dadgeha şoreşê ya bajarê Sineyê hate veguhastin.
Êvareya roja Şemî 22`ê Pûşperê, kolberekî Kurd ê bi navê “Seyîd Revan Têso”, kurê Kemal û xelkê bajarê Pîranşehrê, bi sedema teqeya hêzên leşkerî yên hikûmetê, li ser sînorê “Birwêşkan” a ser bi bajarê Baneyê hate birîndar kirin .
Roja Duşemî 21`ê Pûşperê, “Emîr Peyxamî” Girtiyê siyasî yê Kurd û xelkê bajarê Şinoyê, piştî bi dawîhatina heyama girtîgeha wî ji girtîgeha bajarê Kirmanê hate azadkirin.
Roja Duşemî 21`ê Pûşperê, welatiyek bi navê “Emîr Feramerzî”, xelkê Bokanê, ji girtîgeha Îtila`ata Urmiyê bo girtîgeha navendî ya wî bajarî hate veguhastin.
Ajansa Nûçegihandinê ya Kurdpa
