Roja Yekşemî 7ê Cozerdanê, dadgeha pêregihîştin bi tohmetên sepandî bo ser yek ji binçavkiriyên şoreşa “Jin, Jiyan, Azadî” yê, “Perham Perwerî”, li taya 28 a Dadgeha Şoreş a bajarê Tehranê de bi serokatiya dadwer “Emûzad” bi rê ve ço.
Welatiyê Kurd yê bi navê “Rêbwar Talbî” kurê Kemal û xelkê Banê, ji aliyê taya 101 a dadgeha cezayên giran a 2 a vî bajarî, bi sê meh hesp û salek hepsa ragirtî hat cezakirin.
“Mihemed Şerîfpûr Bayendre”, welatiyê bajarê Banê, ji aliyê taya 101 a dadgeha cezayên giran a vî bajarî, sê meh hepsa te`izîrî û salek hepsa ragirtî hat cezakirin.
“Omer Silêmanî”, çalakvanê kedkarî yê xelkê Bane, ji aliyê taya 101 a dadgeha cezayên giran a jimare 2 a vî bajarî ve, tevî rojên binçavkirina berê, bi 15 sal heps hat cezakirin û dadgehê ev ceza bo heyama du salan rawestandiye.
Roja yekşemî 7’ê Cozerdanê welatiyê Kurd yê bi navê “Mihemed (Şîrzad) Azerberzîn” temen 26 salî û kurê Ebdulqadir û xelkê Pîranşarê bi danîna barimteya 5 milyar Tûmenî ji girtîgeha Nexedê bi awayekî demkî hat azadkirin.
Sibeha roja Pênçşemî 4`ê Cozerdanê, girtiyê bi navê “Se`îd Mihemedîfer” yê xelkê bajarê Kirmaşanê li girtîgeha Sinê hat bidarvekirin.
Sibeha roja Yekşemî 7`ê Cozerdanê, biryara îdamê ya girtiyê bi navê “Ebdulrehman Mozeferî” kurê Ehmed xelkê bajarê Qorwe, li girtîgeha Sinê birê ve çû.
Serdar Şahmoradiyan, xwendekarê bajarê Sinê, tevî ku şeş meh in bi ser binçavkirina wî re derbas bûne, hê jî di girtîgeha vî bajarî de ye.
Roja Çarşemî 3`ê Cozerdanê, welatiyê bajarê Sinê yê bi navê “Beşîr Nûrî” ji aliyê hêzên ewlehiyê ve hat binçavkriin û bo navenda Îdareya Îtila`ata vî bajarî hat veguhastin.
“Osman Îsmaîlî”, çalakvanê kedkarî yê xelkê Seqizê, bo dadgeha Şoreş a vî bajarî hat gazîkirin.
Ajansa Nûçegihandinê ya Kurdpa
