Êvareya roja Duşemî 10’ê Rezberê, welatiyekî Kurd yê bi navê Ehmed Tekilîfî temen 37 salî û xelkê Murmurî yê ser bi parêzgeha Îlamê girêdaya bajarê Avdananê ji aliyê hêzên ewlehî yên rejîmê ve hate girtin û bo cihekî nexuya hate veguhastin.
Roja Çarşemî 12’ê Rezberê 2 welatiyên Kurd yên bi navên “Hesen Merdanî” temen 65 salî û “Loqman Pîşyar” temen 58 salî xelkê bajarê Bokanê, ji girtîgeha Îdareya Îtilaata Urmiyê bo girtîgeha Bokanê hatine veguhastin.
Kolberekî Kurd û xelkê bajarê Pîranşarê yê bi navê “Erselan Sefyarî” kurê Ebdullah û xelkê gundê “Gezigesk” yê ser bi bajarê Pîranşarê ku bi sedema teqîna mînê bi dijwarî birîndar bibû, di encam de lingê xwe ji dest da.
Roja Çarşemî 5`ê Rezberê, welatiyê Bokanê Qehreman Lotfî ji aliyê hêzên ewlehiyê ve hat binçavkirin û bo cihekî nediyar veguhastin.
Roja Şemî 8’ê Xermananê, welatiyê bajarê Bokanê Seyîd Esed Yûsifî ji aliyê hêzên ewlehiyê ve hat binçavkirin û bo cihekî nediyar hat veguhastin.
Kamran Saxtmanger, çalakvanê kedkarî yê xelkê Sine, ji aliyê taya yekem a dadgeha Şoreş a vî bajarî ve, bi dana pere hat cezakirin.
Êvara roja Înê 7’ê Rezberê, kolberek bi navê “Mihemed Xalidî” temen 28 salî, kurê Îqbal û Şilêr û xelkê gundê “Çîçoran” a bajarê Bane, li sînorê “Hengehale” ji aliyê hêzên leşkerî yên hikûmetê ve hat kuştin.
Êvariya roja Înê 7’ê Rezberê, kolberek bi navê “Erselan Sefyarî” kurê Ebdullah xelkê gundê “Gezgeskê” a Pîranşarê bi sedema teqîna mînekê bi giranî birîndar bû.
8 welatiyên bi navên "Hisên Aşûrî", "Ezîm Yadgarî", "Ferşad Ayînî", "Se`idullah Ayînî", "Mihemed Hisên Hasilî", "Vahîd Çeweran", "Naser Rezayî" û "Bextiyar Mihemedzade" bo Dadgeha Cezayê Giran a Îlamê hatin veguhastin.
Roja Pêncşemî 6ê Rezberê, “Erselan Dîwarger” xelkê bajarê Sine, piştî ku bo Îdareya Îtilaata vî bajarî hatibû gazîkirin, careke din hate binçavkirin.
Ajansa Nûçegihandinê ya Kurdpa
