Êvareya roja Înê 6`ê Reşeme (25`ê Şibat a 2022`an), welatiyek Kurd ê bi navê “Seîd Pîran” yê temen 40 sal û xelkê gundê “Kerîmava” yê ser bi bajarê Baneyê, bi sedema teqeya rasterast a hêzên hikûmeta Îranê hate kuştin.
Roja Pêncşemî 5ê Reşem, kedkarekî Kurd bi navê “Behmen (Heyder) Yeqûbî” xelkê bajarê “Ciwanro” yê bi sedema kevtina ji avahiyekî 3 qatî ve, canê xwe ji dest da.
Roja Pêncşemî 5ê Reşemê, Kolberekî temen 18 salî, bi navê “Dana salihpûr” xelkê bajarê “Bane” ê di nava çemê “Tajeban” de xendiqî.
Roja Pêncşemî 5ê Reşemê, “Şe`ban Mihemedî” Endamê Encûmena Sênfî yê Mamosteyên Kurdistanê- Merîwan, bi danîna barimteyê hat serbestkirin.
Sibêdeha îro Çarşemî 4`ê Reşemê, cezayê îdamkirina girtiyê bi navê “Ferşad Ferizî” kurê Elî û xelkê “Melekşah”ê, li girtîgeha navendî ya bajarê Îlamê hate cîbicîkirin.
Di heyama çend rojên derbasbûyî de, cezayê lêxistina 70`ê derbên kamçî yên girtiyê siyasî yê Kurd ê bi navê “Çiya Aqabeygîpûr” xelkê gundê “Rehîmixan” a girêdayê bajarê Bokanê, li girtîgeha wî bajarî hate cîbicîkirin.
Roja Sêşemî 3`ê Reşemê, malbata “Kiyûmers Letîfî” çalakvanê medenî yê xelkê bajarê Sineyê, bo îdareya Îtila`ata bajarê Sineyê hatine gazîkirin û lêpirsîn digel wan hate kirin.
Roja Sêşemî 3`ê Reşemehê, du welatiyên Kurd ên bi navên “Eyûb Mûsa” û “Hawrê Xwarezim” yên xelkê bajarê Şinoyê, bi danîna barimteyê ji girtîgeha wî bajarî hatin azadkirin.
Îro Sêşemî 3`ê Reşemehê, civîna dadgeha pêregihîştin bi tohmetên Cemal Yûsifî û Husên Îbrahîmhemze, welatiyên bajarê Bokanê piştî 5 sal nexuyabûn li dadgeha Şoreş a bajarê Mihabadê hat lidarxistin.
Roja Duşemî 2`ê Reşemhê, du endamên encûmena “Nojîn” ên bi navên “Peyam Mîrî” temen 36 salî û “Waran (Esira) Mihemednijad” temen 30 salî xelkê gundê “Tengîser” û rûniştiyê bajarê Sineyê, ji aliyê hêzên ewlehî ve hatine binçavkirin.
Ajansa Nûçegihandinê ya Kurdpa
