Sipêdeha roja Sêşemî 4ê Gelawêjê, welatiya jin ya bi navê “Feranek Biheştî” xelkê bajarê “Tîkab”ê bo cîbîcîkirina cezayê girtîgehê, bo odeya takekesî ya girtîgeha bajarê “Urmiyê” hat veguhastin.
Çalakvanê kedkarî “Rêbiwar Ebdullahî” xelkê bajarê Sineyê, ji aliyê taya 1 a dadgeha Şoreş a wî bajarî ve, bi serokatiya dadwer “Se`îdî” bi du sal hepsa ragirtî hat cezakirin.
Roja Şemî 1ê Gelawêjê, welatiyekî Kurd yê bi navê “Bextiyar Mistefapûr” kurê “Ce`ifer” xelkê gundê “Sêgirkan” yê girêdayî bajarê “Pîranşar”ê di yek ji girtîgehên ewlehî yên wî bajarî de bo girtîgeha bajarê “Nexed”ê hat veguhastin.
Welatiyekî Kurd yê bi navê “Luqman Qadirî” kurê Ezîz xelkê gundê “Peswê” û rûniştiyê bajarê “Pîranşar”ê hîn jî binçavkiriye û qedera wî li girtîgeha navendî ya bajarê “Urmiyê” nexuya ye.
Roja Duşemî 3ê Gelawêjê Mamosteyê olî “Yûnis Nwxah” yek ji mamosteyên Mekteba Zanista Olî yê Selahedîn Eyûbî ya bajarê Pîranşarê bi danîna barimteyê ji girtîgeha bajarê Urmiyê hat azadkirin.
Roja Şemî 1ê Gelawêjê, welatiyekî Kurd yê bi navê “Behram Mihemedî” kurê “Rehman” xelkê bajarê “Banê” bi sedema teqeya rasterast ya hêzên leşkerî yên hikûmetê li ser sînorê “Hengejale” ya wî bajarî hat birîndarkirin.
Roja Yekşemî 2ê Gelawêjê, zarokek kar yê bi navê “Metîn Mistefayî” temen 10 salî kurê “Eyûb” xelkê gundê “Çereş” yê girêdayî devera “Berandêz” a ser bi bajarê “Urmiyê” dawî bi jiyana xwe anî.
Roja Yekşemî 2ê Gelawêjê, “Muhsin Ezîzî û Xoşnav Eynî” her yek ji wan bi danîna barimteya bi qasî 200 miliyon Tumenî ji girtîgeha bajarê “Şino”yê hatin azadkirin.
“Yûsif Rehmanî” xelkê bajarê “Şino”yê, di yek ji girtîgehên ewlehî yên bajarê “Urmiyê” de hepsiye û li derheq qedera wî ti zanyariyek serrast ji ber dest tune ye.
Roja Şemî 1ê Gelawêjê, Kolberekî Kurd yê bi navê “Se`dulla Yûnisî” bi sedema teqeya hêzên leşkerî yên hikûmeta Îranê li sînorê bajarê Banê canê xwe ji dest da û Kolberek din yê bi navê “Elî Yûnisî” bi dijwarî hatiye birîndarkirin.
Ajansa Nûçegihandinê ya Kurdpa
