Roja Sêşemî 8`ê Xermananê, kolberekî Kurd ê bi navê “Ce`ifer Xizûm” temen 33 salî bi sedema teqeya hêzên leşkerî yên hikûmetê li ser sînorê “Nukan” a girêdayî bajarê Serdeştê hat birîndarkirin.
Roja Sêşemî 8`ê Xermananê, welatiyekî Kurd ê bi navê “Peyman Selwatî” bi danîna barimteyê li girtîgeha bajarê Sineyê, hat azadkirin.
Roja Sêşemî 8`ê Xermananê, sê welatiyên Kurd ên bi navên “Arman Selîmî, Umîd Şêxî û Umîd Esedî”, li taya 4 a dadgeha pêdaçûn a parêzgeha Sineyê, amade bûn.
Roja Şemî, 5ê Xermananê, welatiyekî Kurd yê bi navê “Yûsif Mamqadirî” ji girtîgeha îdareya Îtilaata bajarê “Bokan”ê bo girtîgeha wî bajarî hat veguhastin.
Roja Duşemî 7`ê Xermananê, welatiya jin a bi navê “Arezû Emcedî” bo Stada Xeberî ya îdareya Îtila`ata bajarê Sineyê hat gazîkirin û lêpirsîn ji wê kirin.
Welatiyekî Kurd yê bi navê “Luqman Qadirî” kurê Ezîz, xelkê “Peswê” û rûniştiyê bajarê “Pîranşar”ê ji aliyê taya 102 a dadgeha cezadanê, ya wî bajarî bi 2 sal û 7 meh û 16 roj girtîgehê hat cezakirin.
Roja Pêncşemî 3ê Xermananê, welatiyekî Kurd yê bi navê “Celal Emînî” di yek ji girtîgehên ewlehî yên bajarê “Urmiyê” bo girtîgeha bajarê “Bokan”ê hat veguhastin.
Roja Yekşemî 6`ê Xermananê, welatiyê Kurd yê bi navê “Xosrev Candarov”, temen 7`ê salî bi sedema teqîna alavên paşmayî yên şerê di navbera Îran û Îraqê de, li derdora gundê “Qasimava”yê ser bi bajarê Gîlanxerbê canê xwe ji dest da.
Roja Şemî 5ê Xermananê, kolberekî Kurd yê bi navê “Macid Mihemedî” bi teqeya hêzên hikûmetê li ser sînorê “Newsûd”ê hat birîndarkirin.
Roja Şemî 5ê Xermananê, welatiyekî Kurd yê bi navê “Mikaîl Mênberî” xelkê gundê “Niyer” û rûniştiyê bajarê “Sinê” piştî bidawî hatina heyama lêpêçîna wî, ji girtîgeha Îtilaata Spahê bo girtîgeha wî bajarî hat veguhastin.
Ajansa Nûçegihandinê ya Kurdpa
