Roja Sêşemî 15`ê Xermananê welatiyê Kurd yê bi navê Selahedîn Ehmedî temen 42 salî û xelkê gundê Sîngana girêdayî bajarê Şinoyê, bi danîna barimteyê li girtîgeha wî bajarî hat azadkirin.
Şeva Şemî rêkevta 12`ê Xermananê, jinek bi navê “Şilêr Resûlî” temen 36 salî û xelkê gundê “Çeşmiyer” a girêdayî bajarê Sewlavayê û rûniştiyê bajarê Merîwanê, ji tirsa wê ku mêrek destdirêjiya sêksî neke ser, xwe ji pencereya wê malê, havêt…
Roja Sêşemî 15ê Xermananê, du welatiyên Kurd yên bi navên “Mehdî Newrozî û Aram Salihpûr” xelkê bajarê “Banê” bi danîna barimteyê li yek ji girtîgehên ewlehî yên bajarê “Sinê” hatin azadkirin.
Roja Sêşemî 15ê Xermananê, kolberekî Kurd xelkê bajarê “Seqiz”ê yê bi navê “Şoreş Başbilaxî” temen 41 salî, bi sedema teqeya hêzên leşkerî yên hikûmetê li ser sînorê “Hengejal” yê bajarê “Banê” hat birîndarkirin.
Girtiyê siyasî yê Kurd ê bi navê “Mehmûd Sadiqî” xelkê bajarê Kamêranê, ku heyama girtîgeha xwe li girtîgeha bajarê Sineyê derbas dike, ji dema binçavkirinê ve heta niha ji mafê mirexesiyê hatiye bêparkirin.
Êvareya roja Duşemî 14`ê Xermananê, kolberekî Kurd ê bi navê “Mihemed Kerîmî” xelkê gundê “Arimrde” ya girêdayî bajarê Banê, bi sedema teqîna mînê li ser sînorê “Hengejal” a wî bajarî birîndar bû.
Roja Duşemî 14`ê Xermananê, kolberekî ciwan ê bi navê “Yasîn Se`îdî” temen 22 salî û xelkê gundê “Nave” ya girêdayî devera Nenûr a ser bi bajarê Banê, bi sedema teqeya hêzên leşkerî yên hikûmetê li ser sînorê wî bajarî, hat birîndarkirin.
Roja Şemî 12`ê Xermananê, kolberê Kurd yê bi navê “Zana Îsmaîlî” temen 22 salî û xelkê bajarê Merîwanê, bi sedema teqeya hêzên leşkerî li ser sînorê Newsûdê, hat birîndarkirin.
Roja Yekşemî 13ê Xermananê, kolberekî Kurd yê bi navê “Himet Ebdî” bi sedema teqeya hêzên leşkerî yên hikûmetê li ser sînorê bajarê “Newsûd”ê hat birîndarkirin.
Roja Yekşemî, 13ê Xermananê, welatiyê Kurd yê bi navê “Celal Emînî” xelkê bajarê “Bokan”ê bi danîna barimteya 1 miliyard Tumenî ji girtîgeha wî bajarî hat azadkirin.
Ajansa Nûçegihandinê ya Kurdpa
