سنە؛ دەسبەسەرکرانی سامان میرزایی لەلایەن هێزە ئەمنییەتییەکانەوە

سەرلەبەیانیی ڕۆژی پێنجشەممە ١٨ی گەلاوێژی ١٤٠٣، هاووڵاتییەکی کورد بە ناوی "سامان میرزایی" خەڵکی گوندی "سەرهوویە" سەر بە شاری سنە، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.

بە وتەی سەرچاوەیەکی ئاگاداری کوردپا، هێزە ئەمنییەتییەکان بە بێ بەڵگەی یاسایی هێرشیان کردووەتە سەر ماڵی ئەم هاووڵاتییە لە گوندی "سەرهوویە" و بە توندوتیژییەوە دەسبەسەریان کردووە.

هەتا کاتی بڵاوبوونەوەی ئەم هەواڵە، سەبارەت بە چارەنووس، هۆکاری دەسبەسەرکران و تۆمەتە وەپاڵدراوەکان دژی سامان میرزایی زانیارییەک لەبەر دەستدا نییە.