شنۆ؛ دەسبەسەرکرانی لاوێکی کورد لەلایەن هێزە ئەمنییەتییەکانەوە
18:53 - 4 خاکەلێوه 2724
ڕۆژی سێشەممە، ٢٩ی ڕەشەمەی ١٤٠٢، لاوێکی کورد بە ناوی "سابیر ئیبراهیمی"، خەڵکی شنۆ، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزرا.
بە وتەی سەرچاوەیەکی ئاگاداری کوردپا، هێزە ئەمنییەتییەکان بە بێ بەڵگەی یاسایی ئەم هاووڵاتییەیان لە شوێنی کارەکەی خۆی دەسبەسەر کردووە.
سابیر ئیبراهیمی تەمەن ٢٤ ساڵ و کوڕی حوسێن، خەڵکی گوندی "ئاڵکاوێ"ی شنۆیە.
هەتا کاتی بڵاوبوونەوەی ئەم هەواڵە لە هۆکاری دەسبەسەرکران و تۆمەتە وەپاڵدراوەکان دژی ئەم هاووڵاتییە زانیارییەک لەبەر دەستدا نییە.
