دێولان؛ یاسین فەتحی بە ٥ ساڵ و ٨ مانگ زیندان مەحکووم کرا
22:40 - 12 سەرماوەز 2722
یاسین فەتحی، چالاکی مەدەنیی خەڵکی شاری دێولان، لەلایەن لقی ٢ی دادگای کەیفەری ئەو شارە، بە ٥ ساڵ و ٨ مانگ زیندان مەحکووم کرا.
بەپێی ئەو حوکمە داسەپاوە، ئەو چالاکە مەدەنییە بە تۆمەتی "پڕوپاگەندە دژی نیزام" بە ٨ مانگ زیندان، "تێکدانی نەزمی گشتی" بە ١٨ مانگ زیندان" و"کۆبوونەوە و تەبانی دژی ئەمنییەتی نەتەوەیی" بە ٤٢ مانگ زیندان، مەحکووم کراوە.
ئەو چالاکە مەدەنییە لە کاتی دادگاییەکەیدا، لە دەستپێڕاگەیشتن بە پارێزەر بێبەری بووە و لە دادگاییەکی چەند خولەکیدا، بە شێوەی ڤیدیۆ کۆنفرانس، دادگایی کراوە.
یاسین فەتحی مانگی ڕەزبەری ئەمساڵ، لەلایەن هێزە ئەمنییەتییەکانەوە دەسبەسەر و پاش تەواوبوونی ماوەی لێپرسینەوەکەی لە گرتنگەی ئیدارەی ئیتلاعاتی سنە، بۆ زیندانی ئەو شارە، ڕاگوێزرابوو.
