ئاژانسی هەواڵدەریی کوردپا
ڕۆژی شەممە ٣١ی جۆزەردان، زیندانییەکی سیاسیی کورد بە ناوی "فیرووز مووسالوو" خەڵکی بەخشی کوتۆلی شاری خۆی، بۆ شوێنێکی نادیار ڕاگوێزرا.
ڕۆژی چوارشەممە ١١ی بەفرانباری ٩٨، ئەو هاووڵاتییە کوردە پاش ٥ مانگ لێپرسینەوە لە گرتنگەی ئیتلاعاتی سپای پاسداران لە ورمێ بۆ زیندانی ناوەندیی ئەو شارە ڕاگوێزرابوو.
ئەو هاووڵاتییە چەند ساڵێک ئەندامی یەکێک لە حیزبە کوردییەکانی دژبەری حکوومەتی ئێران بووە و پاش گەڕانەوەی بۆ ئێران بە ئەماننامەی سپای پاسداران، دەسبەسەر کرابوو.
ئەو هاووڵاتییە کوردە، ڕێکەوتی ٢٠ی پووشپەڕی ساڵی ٩٨، پاش خۆناساندن بە سپای پاسدارانی سەردەشت دەسبەسەر کرا و دواتر بۆ گرتنگەی ئیتلاعاتی سپا لە ورمێ ڕاگوێزرابوو.
"فیرووز مووسالوو" ئەندامی یەکێک لە حیزبە کوردییەکانی دژبەری حکوومەتی ئێران بووە و بە ئەنجامی شەڕی چەکداری تۆمەتبار کرابوو.
دەسبەسەرکردنی ئەو هاووڵاتییە کوردە لە حاڵێکدایە کە بەرپرسانی سپای پاسداران بە بنەماڵەی ناوبراویان ڕاگەیاندبوو کە کوڕەکەیان پاش چەند ڕۆژ لێپرسینەوە ئازاد دەکرێت.
