کتێبی "دەسەڵات و هێژموونی ژنان لەئەدەبی زارەکیی کوردیدا" چاپ و بڵاو کرایەوە

ئاژانسی کوردپا: کتێبی "دەسەڵات و هێژموونی ژنان لەئەدەبی زارەکیی کوردیدا" لەزاراوەی کرمانجییەوە لەلایەن وەرگێڕ و نووسەرێکی خەڵکی شاری ماکۆوە وەرگێڕدراوەتە سەر زمانی فارسی.

بەپێی هەواڵی ئاژانسی هەواڵدەریی کوردپا، چەند ڕۆژ لەمەوبەر کتێبی "SERDESTYAN JINAN DI FOLKLORA KURDI DE" کە لەلایەن نووسەرێکی کوردستانی تورکیەوە بە ناوی " روحات" نووسرابوو، کراوە بە فارسی.

ئەو کتێبە لەلایەن عەبدوڵڵا ئارغا خەڵکی شاری ماکۆ لەئوستانی ئازەربایجانی ڕوژئاواوە، وەرگێڕدراوەتە سەر زمانی فارسی.

کتێبی "دەسەڵات و هێژموونی ژنان لەئەدەبی زارەکیی کوردیدا" لەلایەن چاپخانەی "عەموو عەلەووی"یەوە لە چاپ دراوە.