پەیامی نەورۆزیی زیندانیانی سیاسیی رەجایی شاری کەرەج

18:59 - 29 رەشەمه 2712
ئاژانسی کوردپا: کۆمەڵێک لە زیندانیانی سیاسی لە زیندانی \"رەجایی شاری کەرەج\"ـەوەبەبۆنەی هاتنی ساڵی نوێ پەیامێکیان بلاو کردەوە.

دەقی ئەو پەیامە کە بە ئاژانسی کوردپا گەیشتووە لێرەدا وەک خۆی بڵاو دەکرێتەوە:
وێڕای پیرۆزبایی ساڵی نوێ لە سەرجەم هاونیشتمانانی ئازیز، هیوادارین ساڵی ١٣٩٢ ساڵی رزگاربوون لەدەست زوڵم و سەرکوتی دەسەڵات بێت و شاهیدی گەیشتن بە لووتکەی بەرزی ئامانجە مرۆییەکان لە سەرتاسەری ئێران و جیهاندا بین.

بەڵێن لەگەڵ شەهیدانی رێگەی ئازادی و بەتایبەت بنەماڵەی زیندانیانی ئێران نوێ دەکەینەوە کە هەتا سەر لە یادتان نەکەین و بە نوێنەرایەتی \"ستار بەهشتی، عەلی ساڵحی، فەرزاد کەمانگەر، هالە سحابی و ئەو کەسانەی کە لەماوەی چەند سالی رابردوودا بە تەرمی لە خوێندا شەڵاڵیان نیشتمانیان ئاوێتەی بۆن و بەرامەی و گوڵی ئاڵی بەهاری کردوە و بە ناسناوی هەرمانی خۆیان رمزی سەرکەوتنیان دەستەبەر کرد.

واژۆکاران: خالید حەردانی، شاهرۆخ زەمانی، رەزا شەریفی بۆکانی، صاڵح کوهەندڵ، محەممەد عەلی مەنسووری، موسی سەفی ئەسلانی نژاد، محەممەد بەنازادە ئەمیر خیزی و عەباس رادفەر