پیرانشار؛ دەسبەسەرکرانی دوو هاووڵاتیی کورد لەلایەن هێزە ئەمنییەتییەکانەوە
19:27 - 17 بانەمەڕ 2724
سەرلەبەیانیی ڕۆژی دووشەممە، ١٧ی بانەمەڕی ١٤٠٣، دوو هاووڵاتیی کورد بە ناوەکانی "سومەیە قادری" کچی تاهیر و خەڵکی گوندی "گەزگەسک" سەر بە شاری پیرانشار و "حوسێن بایزیدی" کوڕی محەممەد خەڵکی پیرانشار لەلایەن هێزە ئەمنییەتییەکانەوە دەسبەسەر کران.
بە وتەی سەرچاوەیەکی ئاگادار، هێزە ئەمنییەتییەکان بە بێ بەڵگەی یاسایی هێرشیان کردووەتە سەر ماڵی ئەم دوو هاووڵاتییە و دەسبەسەریان کردوون.
سومەیە قادری خوشکی موحسن قادری، بەندکراوی سیاسیی کوردە.
هەتا کاتی بڵاوبوونەوەی ئەم هەواڵە، سەبارەت بە هۆکاری دەسبەسەرکران و تۆمەتە وەپاڵدراوەکان دژی ئەم دوو هاووڵاتییە زانیارییەک لەبەر دەستدا نییە.
