پازدەیەمین فێستیڤاڵی ئەدەبی و رووناكبیریی گەلاوێژ ئەمڕۆ لە لەسلێمانی دەست پێدەكات

كوردپا: ئەمڕۆ كاتژمێر10 سەرلە بەیانی پازدەیەمین خولی فێستیڤاڵی گەلاوێژ بە بەشداریی ئەدیبان و نووسەرانی وڵاتانی ئێران، عەرەبی و ئورووپایی و بەشەكانی دیكەی كوردستان لە هۆڵی تەواری شاری سلێمانی دەست پێدەكات.

بنكەی ئەدەبی و رووناكبیریی گەلاوێژ لە بەیاننامەیەكدا بڵاوی كردۆتەوە، پازدەیەمین فێستیڤاڵی ئەمساڵ بە دروشمی\" نەوەی نوێ‌ چەمكی نوێی بەرهەم هێنا، تێبگەین یان تێنەگەین!\" فێستیڤاڵی ئەمساڵ هێندێ‌ جیاوازی لەگەڵ خولی ساڵانی پێشوودا هەیە و زیاتر لە 120 میوان ئامادەی دەبن و چوار رۆژ دەخایەنێت.

كارە و چالاكییە هونەری و رۆشنبیرییەكانی پەراوێزی فێستیڤاڵی گەلاوێژ كردنەوەی پیشانگایەكی گەورەی كتێبە لە كتێبخانەی گشتیی سلێمانی و هەروەها بەڕێوە بردنی میزگردی ئەدەبی و رووناكبیریی شەوانە لە هۆتێل پەرێژ.

فێستێڤاڵی ئەدەبی و رووناكبیریی گەلاوێژ لە ساڵی 1396ی زایینی لە شاری سلێمانی دەستی پێكردووە و هەر ساڵە لە سێ‌ بواری چیرۆك، شێعر و لێكۆڵینەوەدا بەڕێوە چووە و بە یەكێك لە گرینگترین رووداوە ئەدەبی و رووناكبیرییەكانی هەرێمی كوردستان دێتە ئەژمار و ئەزموونێكی بەنرخی خولقاندووە.